CYLCHOEDD CHWARAE
Mae Cylchoedd Chwarae yn darparu ar gyfer plant rhwng 2 a 5 oed, am 2 i 3 awr yn y bore neu'r prynhawn fel rheol, ac yn bennaf yn ystod y tymor ysgol. Maen nhw'n cynnig amgylchedd diogel ac ysgogol i blant chwarae, dysgu a chymdeithasu â'i gilydd. Cymdeithas Cylchoedd Chwarae Cyn-ysgol Cymru, elusen gofrestredig, sy'n eu datblygu a'u cefnogi. Mae nifer o gylchoedd chwarae'n cynnig cyflwyniad i'r Gymraeg i blant ifanc. Anogir staff a gwirfoddolwyr i ddatblygu a rhannu eu sgiliau yn y Gymraeg. Mae rhieni a gofalwyr yn rhan o'r gwaith o redeg y cylchoedd chwarae ac maent yn aml yn ymuno â'u pwyllgorau rheoli.
| Cylchoedd chwarae drwy gyfrwng y Gymraeg yw Cylchoedd Meithrin sy'n rhoi cyfle i'r plant ddod yn ddwyieithog (yn y Gymraeg a?r Saesneg). Cânt eu cefnogi gan y Mudiad Ysgolion Meithrin (MYM), sefydliad gwirfoddol cenedlaethol. Nid oes raid i rieni allu siarad Cymraeg er mwyn i'w plant fynychu Cylchoedd Meithrin. | |
| Anghenion Addysgol Arbennig ac Anableddau | Mae Cymdeithas Cylchoedd Chwarae Cyn-ysgol Cymru (PPA Cymru) a'r Mudiad Ysgolion Meithrin (MYM) yn cynnig cyngor, cefnogaeth a hyfforddiant yn ogystal â chynlluniau cyfeirio i integreiddio plant ag anghenion addysgol arbennig ac anableddau yn y cylchoedd chwarae lleol. |